دي كانت اخبار قريتها قبل كدا... اظن انها مرتبطة بهذه المفاجأة
أتباع عمرو خالد يدعون له بالهداية ويتهمونه بالترويج لعمرو دياب
المصريون : بتاريخ 10 - 2 - 2007
أتباع ومريدو الإعلامي عمرو خالد غاضبون بشدة بسبب عرض الموقع الخاص مسلسلا يتضمن مقاطع من أغاني المغني عمرو دياب ..
المسلسل اسمه عرايس وعرسان يتناول قضية العنوسة عند الفتيات وقد عبر مريدو عمرو خالد عن غضبهم من خلال رسائلهم وتعليقاتهم للموقع..
قال أحد المعترضين في رسالته وكمان بنجيب معاصي عمرو دياب ونحطها عندنا ؟) واعترضت فتاة أخرى قائلة : (هل من يحدثنا عن خطى الحبيب يجتمع من ترقص حوله العاريات ؟)وبينما قالت أخرى أنها كانت تعتزم دعوة صديقاتها غير الملتزمات لدخول الموقع إلا أنها تراجعت بعد عرض المسلسل الذي يحوي أغاني عمرو دياب ...بعض آخر من الغاضبين من عمرو خالد دعوا للموقع بالهداية وقالت إحداهن : اللهم اهد من يظهرون لنا أنهم أصدقاء ولكنهم على العكس وآخرى سألت عمرو خالد : لماذا التشتت ...لماذا تجعلونا نشك ؟...
http://www.almesryoon.com/ShowDetails.asp?NewID=30262==========
موزع الأغنية يتعاون مع هيفاء وهبي : عمرو خالد يستعين بتامر حسني لغناء مقدمة برنامجه الجديد
المصريون : بتاريخ 27 - 2 - 2007
البرنامج الجديد للإعلامي عمرو خالد سوف يكون التتر الخاص به من غناء المغني تامر حسني.. وسوف يحمل البرنامج اسم "دعوة للتعايش"..
يذكر أن أغنية التتر من توزيع أحد الموزعين الذي انتهى مؤخرا من توزيع أغنية للبنانية هيفاء وهبي..
http://www.almesryoon.com/ShowDetails.asp?NewID=31024 انا بصراحة مصدق الكلام ده وشايف انه مش وحش اوي
بغض للفرقعة بتاعت ان موزع اغاني هيفاء هو الموزع لاغاني البرنامج
انا وبقول انا شايف ان لو واحد زي تامر حسني اتغير وانتظم في الصلاة وبدء يتغير فعلا
شايف ان ده نجاح
مش عيب
ولو الاعتراض على الالحان والاغاني في برنامج لعمرو خالد فهذا لا يستحق المناقشة
لان عمرو خالد يرى ان هذه الاغاني هادفه ولا باس بها وهذا رائيه
وهو معارض برئي الدين فهذا له وسيحاسب على ذلك وهو امر شخصي
ممم
انا شايف ان ده ممكن يكون اسلوب دعوة
براحة بس بدون ضرب
يعني تامر حسني قدوة كتير من الشباب
وتغيير هذا الشاب قد يجعل هذا تغيير رائع
واعتقد انه يقوم معه بالتغيير التدريجي
فمثلا امتناع تامر حسني عن ظهور الموديلز في كليباته القدمة خطوة تحسب لعمرو خالد مش عليه
اتجاهه الى غناء اغني دينية
وانتظامه بالصلاة
كل هذا ارى انه تقدم
والكلام ده كله قراءته وانا راكب المترو وكان في واحد معاه الجورنال وانا زي المتطفل كنت بقراء معاه
لا متخافش
مش فيه ضرب ولا حاجة
ممكن البعض يشوف فيه اسلوب دعوة .... لكن هو اسلوب الدعوة يكون ازاي يا اخ زيرو.
هل باقراره على ما هو فيه.... يعني لما هو بيغني اغاني ساقطة وانا آجي اقول له غنيلي ديني....هل هو هيظن في نفسه انه عاصي ... ولا هيظن انه تمام وعلى الصراط المستقيم بدليل ان الشيخ عمرو خالد بنفسه جاي عاوز منه غناء ديني؟
خلينا يا أخي في الشباب الضايع ...ز دا هيمثل لهم ايه؟
لما يشوفوا تامر حسني بيغني ديني بطلب من داعية؟
هل هيفكر احدهم في معصية تامر حسني.
انا لما اروح اكلم حد بيسمع تامر حسني هيكون ايه رده؟
ماهو الشيخ عمرو بنفسه بيشتغل معاه....هيبقى حرم ازاي؟
يا اخي احنا في لخبطة وفي زمن تلبيس الحق بالباطل بشكل فظيع.
طيب ما هو سبق قبل كدا بحركة مشابهة ... تعالى ندرسها ونشوف مضارها ومنافعها.
احمد الفيشاوي.... كان ناوي يبطل تمثيل.... عمرو خالد قال له لاء خليك ...احنا عاوزين ممثل نهضوي مسلم.
وكان بيتقرب منه .... بنفس المنطق (عشان يهديه وهو مقيم على المعصية....ويقره عليها)
مثل احمد الفيشاوي تمثيل نهضوي ... وفضل في الفن والوسط العفن بتوصيات الداعية عمرو خالد.
لحد ما بدأ يمثل ادوار زي الزفت....ولحد ما تورط في قضية زنا مع هند الحناوي ... وصار مثلا للنفاق المتدين ومدخلا لنقد الملتزمين الذين يدعون الالتزام ثم يفعلون ما يفعلون.
تامر حسني ما أقلعش عن عصيانه ..... تامر حسني لازال بيجاهر بحفلات على مسرح تحته آلاف العاشقات في منظر لو رآه النبي لتبرأ منا ولو خسفنا الله به لكان عادلا .
يحاول يهديه ويكلمه مافيش مانع.....انما يغنيله ديني وهو لازال مستعلنا بعصيانه فهذا ما لا يعقل.
بالطريقة اللي بتقولها .... كدا يبقى يحق لينا نجيب عادل امام يتكلم عن التقوى (وتعتبر خطوة في هداية الرجل)
ونجيب هيفاء وهبي ونانسي عرم تتكلم عن الفضيلة (ويمكن ربنا يهديهم ويمس قلبهم)
كدا احنا بننسف كل قاعدة بكلام عايم .... يا عم ما يمكن ربنا يهدي اولمرت....نجيبه يتكلم عن السلام وهو بيقتل اخواننا يمكن قلبه يحن .
كدا احنا بنخللي ديننا خاوي من اي رابط او ضابط....دين مبهم مالوش سقف او قواعد .... ولو وافقنا عالكلام دا وجيه شاب تايه يستفهم مش هنعرف نرد عليه....زي النصارى اللي مبيعرفوش يردوا على اسئلة الحيارى عندهم....وديننا مش كدا ولا عمره هيبقى كدا .
ديننا فصل ليس فيه هزل او دلع او مواربة او ظهور على حساب الدين.
كدا احنا بنعوم مسائل معلومة من الدين والعقل بالضرورة.